2 patay sa pamamaril sa Koronadal City

KORONADAL CITY - Patay ang isang lalaki at isang babae matapos na sila ay pagbabarilin habang sakay ng pampasaherong tricycle sa kahabaan ng GenSan Drive, Koronadal City kaninang tanghali.

Kinilala ng Koronadal City PNP ang mga nasawi na sina Manny Alvarez Diaz, 53 taong gulang at taga Dasmarinas, Cavite at Violebeth Giamalon.

Sa report ng PNP, nasawi on the spot si Diaz habang idineklara namang dead on arrival sa hospital si Guiamalon.

Lumabas sa initial na pagsisiyasat ng PNP na sinundan ng di pa nakilalang mga gunmen ang mga biktima matapos na makapag-piyansa si Diaz sa tulong ni Guiamalon. 

Si Guiamalon at dalawang iba pa ay unang inaresto matapos na ireklamo ng tangkang panloloko o "budol-budol." Habang nasa loob ng police station, tinangka nilang suhulan ang mga police ng halagang P200,000 para huwag nang ituloy ang kaso.

Patay naman on the spot si Diaz habang ideneklarang dead on arrival ang kasamahan nito na si Violebeth Guimalon na syang umaayos ng pang pyansa ni Diaz.

Palaisipan ngayon sa PNP kung bakit sila pinaslang at kung sino ang mga salarin.