Hogs in Koronadal remain safe for consumption despite ASF infection, Agri chief says
HEALTH • 07:15 AM Sat Feb 8, 2020
2
By:
Roel Osano/Radyo/Bida Koronadal
DA Secretary may paliwanag kung bakit ligtas pa rin sa ASF ang Koronadal sa kabila ng pagpositibo dito mga baboy galing Sulop, Davao Del Sur na dinala sa lungsod
Nilinaw ni Department Agriculture Secretary William Dar na ligtas pa rin sa ngayon sa African Swine Fever o ASF ang Koronadal City.
Sa kabila ito ng pagkumpirma ni Dar na positibo sa ASF ang labinisa sa apatnaput dalawang mga baboy na pinatay at inilibing sa Barangay Zone IV sa lungsod kamakailan lang. Kasunod ito ng pagkamatay ng isa sa kanila.
Paliwanag ni Dar napigilan kasi ng lokal na pamahalaan ang pagkalat ng ASF. Ito ay sa pamamgitan ng pag-disinfect sa lugar. Ayon kay Dar pagkatapos ng tatlumpung araw agad na susuriin ng mga kinuukulan ang lugar kung saan namatay ang nasabing mga baboy.
Ito ay upang malaman kung tuluyan nang ligtas sa ASF ang lungsod. Sinabi ni Dar na lumabas din sa blood samples ng mga baboy na kinuha sa ibang lugar sa Koronadal na negatibo ang mga ito sa ASF.
Ayon kay Dar , ito ay patunay na ang mga baboy lamang na nagpositibo sa ASF ang mga galing sa Sulop sa Davao Del Sur na aniya ay nagmula din sa Don Marcelino sa Davao Occidental, ang unang lalawigan sa Mindanao na nagkaroon ng ASF.
Ang nasabing mga baboy ay dinala sa Koronadal noong Disyembre. Sa kanyang pagtungo sa Koronadal City kahapon sinabi ni Dar na bawat baboy na papatayin dahil sa pangamba sa ASF ay may katumbas na limang libong piso. Ito ay bilang tulong na rin ng DA sa mga apektadong hog raisers.