Man hacks to death wife in South Cotabato
TANTANGAN, South Cotabato - Selos ang motibo na sinusundan ng imbestigasyon ng mga pulis sa pagpatay ng isang mister sa sariling misis sa bayan ng Tantangan, South Cotabato. Ipinahayag ito ni Tantangan Chief of Police, Captain Romeo Albano Jr.
Kinilala ni Albano ang nasawing misis na si Denelyn Mara, 28 years old, overseas filipino worker o OFW. Suspek naman sa krimen ang mister mismo ng biktima na si Roel John Mara, 38 years old at isang karpintero.
Ayon kay Albano, umuwi ang biktimang misis matapos magtrabaho sa ibang bansa noong October 31.
Ngunit sa halip na sa kanyang mister sa Barangay Bukay Pait umuwi ay tumuloy umano ito sa kanyang mga magulang sa karatig barangay ng Dumadalig.
Sinabi ni Albano na nang puntahan ng kanyang mister ang kanyang misis para kausapin matindi umanong nagtalo ang mag-asawa.
Ayon kay Albano, kumuha ng bolo ang biktimang misis ngunit ito ay naagaw ng kanyang mister hanggang sa siya ay napatay.
Ang biktimang misis na nagtamo ng matinding mga taga sa ibat’ ibang parte ng kanyang katawan ay dead on arrival sa South Cotabato Provincial Hospital sa Koronadal City.
Ayon kay Albano ang suspek na mister ay agad na tumakas at pinaghahanap pa ng mga pulis.