Suspect sa pagpatay kay "Barbie" ng Banga, patay sa police operation sa Isulan
NDBC BALITA • 14:15 PM Thu Dec 5, 2019
2
By:
ROEL OSANO
The suspect and the victim. (Verified photos from social media sites)
KORO9NADAL CITY - Nabaril umano ng mga otoridad si Richard Nomo Gumilid, 31 years old nang tangkang hagisan ng granada ang mga pulis na nagimbita sa kanya para maimbistigahan madaling araw kahapon sa Isulan, Sultan Kudarat.
Ito ay ayon kay PNP 12 Regional Director Brigadier General Alfred Corpuz.
Si Gumilid ang suspek sa pagpatay sa 16 years old na si Barbie Inocencio sa Banga, South Cotabato. Si Inoncencio ay Grade 10 student ng Notre Dame of Banga.
Sinabi ni Corpuz na si Gumilid ay nabaril ng mga pulis sa tapat mismo ng kanilang bahay sa Barangay Kalawag 1 sa nasabing bayan.
Ayon kay Corpuz, ang suspek na noon ay may dalang granada ay tumanggi umanong sumama sa mga pulis.
Sa kanyang facebook post, pinabulaanan naman ng kapatid ni Gumilid ang tangkang paghahagis nito ng granada sa mga pulis.
Ipinahayag din nito na magkasintahan lamang ang kanyang kuya at hindi ka live-in ng ina ng menor de edad na biktima.
Pero ayon sa tagapagsalita ng PRO 12 na si Police Lieutenant Colonel Lino Capellan, tinutumbok ng imbestigasyon ng mga pulis si Gumilid na pangunahing suspek sa krimen kaya siya pinuntahan sa bahay nito.
Matatandaan na ang biktima na Grade 10 student ay huling nakitang buhay noong December 2.
Unang nakakita sa sinakong bangkay nito sa tulay ng main irrigation canal ang isang concerned citizen sa Purok Bagong, Silang Barangay Punong Grande, Banga noong December 4 ng hapon.
Matatandaan na may naghihintay na P600,000 na pabuya sa makapagtuturo sa susek sa krimen.
Tig dalawang daang piso sa nasabing halaga ay mula kina Banga Mayor Albert Palencia, South Cotabato Second District Representative Ferdinand Hernadez at isang negosyante mula sa Koronadal City.