1 patay, 3 sugatan sa banggaan ng 2 motorsiklo sa Tupi
Local News • 15:45 PM Wed Jun 22, 2022
805
By:
DXOM Radyo Bida Koronadal
Photo courtesy of Mike Sullargas.
TUPI, South Cotabato - Isa katao ang patay habang tatlo naman ang sugatan sa nangyaring vehicular crash sa Crossing Rubber, Tupi, South Cotabato bandang alas-8:30 kaninang umaga.
Ayon kay PMSgt. Rea Mae Gatinao, spokesperson ng Tupi PNP na kinabibilangan ang mga ito ng dalawang motorsiklo na isang RS motorcycle na minamaneho ni Mike John Unggay, 24 anyos; at angkas nito na si Minrakel Mindal, 22 anyos at pawang mga residente ng Tboli, South Cotabato.
Habang lulan naman ng Suzuki Smash motorcycle ang driver na si Joel Buan, residente ng Brgy. Kipalbig, Tampakan; at angkas nitong si Dedeng Cahilig, 21 anyos at residente ng Tupi, South Cotabato.
Batay sa imbestigasyon, pumagitna umano sa center lane si Buan upang mag-give way sa isang sasakyan dahilan na nabangga nito si Unggay at kasama nito na papunta naman sa direksyon ng Koronadal City.
Nagtamo ng mga sugat sa katawan ang mga biktima kung saan isinugod ang mga ito sa ospital, ngunit idineklarang dead on arrival si Buan sa Tupi Municipal Hospital.
Habang nagpapagaling naman sa ibang mga ospital ang tatlong iba pa.
Nasa kustodiya naman ng Tupi PNP ang dalawang motorsiklo para sa karampatang disposisyon.