13 BIFF yields to Army in Maguindanao

Labintatlong miyembro ng Bangsamoro Islamic Freedom Figther (BIFF) sa ilalim ng Karialan faction ang nagbalik loob sa pamahalaan at sa hanay ng 33rd Infantry (MAKABAYAN) Battalion nitong umaga ng July 14, 2020.

“Naniniwala kami sa 33rd IB na sa pagtutulungan ng Kasundaluhan, Local Government Units, at mga kapulisan ay makakaya natin maging mapayapa ang ating pamayanan” Pahayag ni LTC Elmer M Boongaling, Commanding Officer, 33rd IB.

Ang mga surrenderees ay nagmula sa ibat ibang munisipyo na nasasakupan ng 33rd IB tulad ng Shariff Aguak, Sharif Saydona Mustapah, Radjah Buayan, at Sultan sa Barongis.

“Alam natin na walang patutunguhan ang pakikibaka na gamit ang armas, ito ay lalong nakaksira sa ating mga Muslim, Malayo tayo sa Jihad yan ang katotohanan” Pahayag ni Hon. Yacob L. Ampatuan, Municipal Mayor, Radjah Buayan, Maguindanao.

“Hindi magiging madali ang inyong pagbabagong buhay, pero ang masaya dito ay sama sama nating tutunghayan at gagawin ito. Kasama ang LGU, kasundaluhan, at ang mga taong nagmamahal sa inyo. Simpleng pamumuhay at masayang pamumuhay, nasa atin yan kung papaano magiging masaya ang ating buhay,” Pahaya ni COL Jesus D Rico Atencio, Commander, 1st Mechanized, Bde.

Ang nasabing mga surrenderees ay sasailalim sa custodial debriefing, documentation upang maidulog nang tulong pangkabuhayan sa provincial government ng Maguindanao at ang kanilang mga baril ay mananatili sa 33rd IB para sa safekeeping at proper disposition.