3 patay sa banggaan ng pick-up vehicle at "topdown" tricycle sa Polomolok
Local News • 18:45 PM Fri Dec 9, 2022
247
By:
DXOM-AM Radyo Bida Koronadal
Dead on arrival sa ospital ang 3 katao na nasangkot sa vehicular crash sa Polomolok, South Cotabato noong disyembre 7, 2022.
Kinilala ng Polomolok PNP na pinamumunuan ni Police Lt. Col. Marvin Duadua ang mga biktima na sina Sotera Jordan, 55 anyos; Zieagfad Jan Palaga, at Lilita Jordan, pawang mga nasa hustong gulang at nakatira din sa nasabing bayan.
Lumabas sa imbestigasyon ng mga pulis na ang mga biktima ay tumilapon sa national highway sa Barangay Sulit, Polomolok.
Ito ay matapos banggain ng pick-up truck ang sinasakyan nilang topdown.
Ang mga biktima ay nagtamo ng malubhang mga sugat na naging sanhi ng kanilang dagliang pagkasawi.
Sugatan din sa insidente at nagpapagaling pa sa ospital ang driver ng topdown na sinakyan ng mga biktima na si Vicente Jordan.
Ang pick-up truck na nakabangga sa mga biktima at driver nitong si Alvin Jay Pangulo, 35 anyos ng Barangay Magsaysay, Polomolok ay ikinustodya ng PNP.
Ito ay habang nagpapatuloy pa ang kanilang imbestigasyon sa naganap na vehicular crash.