71 year old na lola, nasawi nang mahagip ng motorsiklo sa Kidapawan

KIDAPAWAN CITY – Nabalot ng pagdadalamhati ang pamilya ng 71-year old na lola sa Kidapawan City matapos masawi dahil nabundol ng motorsiklo sa Barangay Poblacion.

Siya ay nakilalang si Mercedes Carbonel Ganal na residente pa rin ng lungsod.

Lumalabas sa imbestigasyon ng PNP traffic Division, na nabundol ng motorsiklo ang senior citizen habang ito ay tumatawid particular sa Padilla Street- Jose Abad Santos.

Napag-alam ring kakababa lang nito sa Tricycle nang siya ay nabundol ng Yamaha Sniper motorycyle dahilan ng kanyang pagkatumba sa sementadong kalsada.

Mabilis na tumakas ang driver na nakilalang si Axyl Jude Morales Sister, waiter at residente ng Barangay Poblacion habang sugatan naman ang kanyang backrider na guro.

Kalaunan, sumuko na rin ang driver at kasalukuyang nasa custodial facility ng PNP na kakaharapin ang kaukulang reklamo.

Nagpapatuloy pa naman ang ginagawang imbestigasyon sa insidente.