Floods submerge Barangay Dumadalig in Tantangan, South Cotabato
Local News • 09:45 AM Tue Sep 7, 2021
1
By:
DXOM Radyo Bida Koronadal
Heavy equipment of South Cotabato works on clogged creek in Tantangan, South Cotabato. (PDRRMO)
KORONADAL CITY - Naperwisyo nga hanggang bewang na baha ang mga mamamayan sa Barangay Dumadalig Tantangan, South Cotabato kahapon.
Kasunod ito ng malakas na buhos ng ulan.
Ayon kay South Cotabato Provincial Disaster Risk Reduction and Management Officer Rolly Aquino, agad namang nagpadala ng team para tingnan ang kalagayan ng mga apektadong mga mamamayan ang kanilang tanggapan.
Nilinaw naman ni Aquino na matapos ang ulan humupa din ang baha. Gayunpaman ayon kay Aquino patuloy pa rin silang nakaalerto sa ngayon at handang magpatupad ng evacuation kung kinakailangan.
Ang baha ay nagdulot din ng perwisyo sa mga motorista na dumadaan sa Koronadal-Tacurong Highway.
Ayon naman sa alyas Frelin, una nilang ni-rescue sa pananalsa ng baha ang apat na mga senior citizen ka bilang ang kanilang lolo at lola na na-trap- sa kanilang bahay.
Sinabi naman ni Dumadalig Barangay Chairman Johnny Alada na bagama’t humupa na ang baha pahirapan naman ang mga mamamayan sa paglilinis sa mga bakas na iniwan nito.
Dagdag pa ni Alada apektado din ng baha ang mahigit isang daang ektaryang palayan sa kanilang lugar.