Friday Mar, 29 2024 10:52:12 PM

NDBC BIDA BALITA (FEB 3, 2021)

NDBC BALITA • 08:00 AM Wed Feb 3, 2021
1
By: 
NDBC NCA

HEADLINES:

1.  ISULAN VICE MAYOR, 4 na town councilor na may kasong graft, inaresto daw, sabi nila hindi, sila ang pumunta sa PNP.

2. RETIRED police officer, patay sa pamamaril sa Koronadal, saksi sa krimen nagkwento, sabi ng PNP work related daw. 

3.  YBL Management, may advise sa mga nasa likod ng Tulunan bombing incident

4.  SWELDO ng Kidapawan City Council employees, di pa na-release, mayor at vice mayor nagpaliwanag

5.  SA Kidapawan City mega market, no CCTS, no entry.

6.  ISA PATAY, LABING ISA sugatan sa salpukan ng Toyota Hi-Lux pick-up at motorsiklo.

7.  BILANG ng gumaling dahil sa COVID-19 sa Region 12 lampas 4,000 na; DOH-12 nakapagtala ng 30 kataong gumaling at 30 new cases.

8.  LTO-12 regional director, nagpaliwanag sa ipatutupad na Child Safety and Motor Vehicles Act.

‘ANG DETALYE NG MGA BALITA…. SUSUNOD’

-0-

Local…

HINDI INARESTO kundi kusang nagtungo sa Isulan police station upang linawin ang usapin ng sinasabing warrant of arrest laban sa vice mayor ng Isulan at apat na town councilor.

Sinabi ni Vice Mayor Lord Dean Castillo na umugong ang balitang meron silang warrant of arrest dahil sa kasong graft.

Kaya si Vice Mayor Castillo at sina Councilors Councilors Rene Aristoza, Blit Cartojano, Gina Belmes Dael, Rayan Dumaran, Sangguniang Kabataan at ex-officiio council member Clariz Lagdamen.

Sila ay merong warrant of arrest na ipinalabas ni Judge Allan Edwin Boncavil ng RTC-19.

Iginiit ng mga akusado hindi sila hinuli kundi sila mismo ang nagtungo sa police station para humingi ng kopya ng warrant at upang makapagpaliwanag.

Sila ay nakapag-bayad na ng tig 90,000 bail bond.

-0-

Local………………..

ISA ANG NASAWI HABANG 11 ANG SUGATAN SA salpukan ng bagong Toyota Hi-Lux at isang motorsiklo sa Guindulungan, Magauindanao.

Naganap ang aksidente sa national highway ng bayan.

Magkakamag-anak ang mga nasugatan, kabilang ang mga kababaihan, kasama ang isang 2-year-old na bata at 76 year old na lola na pawang mga residente ng Barangay Bugawas, Datu Odin Sinsuat, Maguindanao.

Sa pahayag ng isang kaanak, sinikap ng driver ng pick-up na iwasan ang kasalubong na motorsiklo na nag-counter-flow pero nahagip pa din ito hanggang sa bumangga ang pick-up sa pader.

Nasawi ang driver ng motor matapos na ito ay mapunta sa ilalim ng Hi-Lux. SA 11 mga nasugatan, isa ang malubha at dinala na sa Davao City.

Nagkasugat sugat naman ang mga pasahero ng Highlux matapos mangahulog ang mga ito at magtuloy tuloy hanggang sa bumangga sa isang gusali sa gilid ng kalsada.

Patuloy na nilalapatan ng lunas ang 11 biktima sa isang ospital dito sa lungsod  habang ang isa sa kanila na pinaka malubha ay agad na isinugod sa isang pagamutan sa Davao City.

Naki-usap ang pamilya ng mga nasangkot na di na sila kilalanin at in-progress na ang amicable settlement.

-0-

Local………………..

Nakapagtala ng karagdagang 30 panibagong coronavirus infections ang Department of Health sa region 12 habang 30 rin ang naitalang gumaling.

Dahil dito, umaabot na sa 4,020 ang total recoveries habang 4,711 naman ang total COVID-19 infections sa Rehiyon.

Sa bilang ng mga gumaling na pasyente, 14 ang taga General Santos City, 10 South Cotabato, 5 Sultan Kudarat at 1 North Cotabato.

Pinakamarami sa mga bagong kaso ay taga North Cotabato na umabot sa 12, Sarangani 10, South Cotabato 5, General Santos City 2 at Sultan Kudarat 1.

Walang naitalang nasawi kahapon kung kayat nanatili sa 171 ang bilang ng mga binawian ng buhay dahil sa COVID-19.

Nanatili rin sa 519 ang aktibong kaso.

-0-

Local……………………

SAMANTALA, MAY 24 NA BAGONG kaso ng Covid-19 ang naitala sa Bangsamoro Region.

Kahapon, naitala din ng Ministry of Health sa BARMM ang 32 mga pasyente na gumaling mula sa sakit.

Sa mga bagong kaso, pito ang mula Maguindanao at pito din sa Sulu habang tig-lima sa Cotabato City at Lanao del Sur and Marawi City.

May 152 ang active cases habang 148 na ang mga nasawi samantalang merong total Covid -19 cases sa BARMM na 3,395.

Bot naman sa 3,635 ang mga gumaling sa sakit.

-0-

Local……………………

Wag nang palalain pa ang lugmok na ekonomiya bagkus ay magtulungan upang malagpasan ang krisis na kinakaharap dulot ng pandemya.

Ito ay sinabi sa Radyo Bida ni Yellow Bus Line Inc o YBL Operations Manager Boy Par, matapos ang isinagawang committee hearing ng Committee  on Public Safety ng Sangguniang Bayan ng Tulunan kahapon.

Muling iginiit ni Par na bagama’t hindi sila nakatanggap ng demand letter o extortion message bago ang pagsabog sa Tulunan, gaya sa nangyaring Kidapawan bomb threat, sa ngayon ay patuloy silang nakikipagtulungan sa mga otoridad upang malutas ang naturang kaso.

Sinabi ni Par na lahat ng nadamay sa nasabing pagsabog kabilang ang YBL ay biktima lamang ng insidente.

Aasahang bukas, dadalo naman ang PNP sa isasagawang legislative inquiry ng sanggunian upang ilahad ang resulta ng kanilang imbestigasyon matapos ihayag na Al Khobar group ang nasa likod ng nasabing pagsabog.
 

-0-

Local……………………

Ipinapaalam ng lokal na pamahalaan sa publiko na simula sa lunes Feburary 08, 2021 kailangan na ang pagdala ng Contact Tracing System ID o QR code sa lahat ng mga papasok sa palengke sa Kidapawan City.

Ito’y dahil sa dumarami pa rin ang mga naitatalang kaso ng COVID-19 infection sa lungsod.

Layon nitong mas mapadali pa ang pagpapatupad ng contact tracig activity kung sakaling may maitalang magpositibo sa virus lalo na sa Mega Market na siyang pinapuntahan ng maraming mga mamamayan.

May taong nakatalaga na siyang magsasagawa ng scanning sa mga entry points. Dapat din ang may-ari mismo ang hahawak ng kanyang QR code at hindi ang taga scan.

Maliban sa QR code, mahigpit din ang pagpapatupad ng No Facemask, No face shield Entry.

Magpapatuloy din ang temperature scanning at disinfection sa lahat ng mga papasok.

Bawal pa ring pumasok ang 15 years pababa at 65 years old pataas.

Hiling ng LGU ang kooperasyon ng mga mamamayan hindi lamang ng mga taga Kidapawan kundi lahat ng mga pumapasok na taga ibang bayan hinggil sa nasabing polisiya.
 

-0-

Local……………………

Sa loob ng dalawang araw, ang North Cotabato pa rin ang may pinakamaraming kaso ng COVID-19 sa buong region 12.
Sa buong North Cotabato, ang Kidapawan City naman ang may pinakamaraming naitalang kaso na mayroong walo, silang lahat ay may exposure sa COVID-19 patients at pagdalo pa rin sa mga social gathering sa lungsod.
Tatlo naman ang nadagdadag na bagong kaso sa Mlang habang isang 25 anyos na babae sa bayan ng President Roxas.
Mayroon namang isa na nakarekober na mula naman sa Midsayap.
Sa kabuuan, nasa 658 na ang kaso sa Cotabato Province, mayroong 177 ang active cases at 31 na ang COVID-19 related death.
 

-0-

Local……………………

Hindi na naisugod pa sa pagamutan ang driver ng mixer matapos na pagbababirilin ng di pa kilalang suspect sa Barangay Binoligan, Kidapawan City pasado alas 4:00 ng hapon kahapon.
Sa report ng PNP, nakilala ang biktima na si Melanio Cumot, binata at driver ng Llaban Construction Company.
Lumalabas sa imbestigasyon ng mga pulis, pinagbabaril ng malapitan ang biktima habang nakaupo at nangangape lamang sa isang tindahan sa naturang lugar.
Mabilis ding tumakas ang mga suspek na sakay ng motorsiklo habang nagtamo naman ng ibat-ibang sugat sa katawan si Cumot.
Patuloy pa ang imbestigasyon kung ano ang motibo ng mga suspect sa pamamaril at pagpatay sa biktima.

-0-

Local……………………

SA LEEG PA TALAGA!

Ito ang reaksyon ng mga kasamahan ng chainsaw operator na kinilala sa pangalang Lotpe ng Barangay Capiton, Datu Odin Sinsuat, Maguindanao matapos na nawalan siya ng control sa hawak na chainsaw at dumeretso sa kanyang leeg. 

Nangyari ito ala una kahapon habang si Lotpe na isang beteranong chainsaw operator, ay nagpuputol ng isang nakahiga na punong kahoy.

Ayon sa pahayag ng mga kasama ni Lotpe, tinamaan ng kanyang chainsaw blade ang isang bato na nasa ilalim ng nakahigang puno. Tumalsik ang chainsaw at nawalan siya ng control kayat tumama ang blade nito sa kanyang leeg habang umaandar pa.

Mabuti na lang at di siya napugutan.

Ang biktima ay nasa kritikal na kalagayan ngayon sa ospital.
 

-0-

Local……………………

Binaril ang biktimang  habang bumababa sa pampasaherong tricycle na sinakyan nito sa Zulueta St. Barangay Zone 1, malapit sa gate 4 ng merkado publiko ng Koronadal City pasado alas onse ng umaga kahapon.

Kinilala ni Koronadal PNP Chief Investigator Police Lieutenant Reynaldo Sotelo ang biktima na si retired Police Master Sergeant Armando Domingo, 59 years old,  nakatira sa Purok Leganes, Barangay Zone 1.

Ayon kay Sotelo maaring may kaugnayan sa trabaho ng biktimang retiradong pulis ang pagkakapatay sa kanya.

Gayunpaman ayon kay Sotelo nagpapatuloy pa ang malalimang imbestigasyon ng Koronadal PNP sa insidente.

Sinabi ni Sotelo na si Domingo na dati ring kasapi ng Koronadal PNP ay naitalaga pa sa South Cotabato Provincial Police office bago nagretiro dalawang taon na ang nakalipas
Voice Clip….si Koronadal City PNP Investigator Police Lieutenant Reynaldo Sotelo.

Ipinahayag naman ng nakasaksi sa pamamaril sa Radyo Bida Koronadal na nakita mismo nito kung papaano binaril ng patalikod ng angkas ng motorsiklo ang biktima bago tuamakas.

Ayon sa saksi ang driver ng motorsiklo ay naka-helmet habang naka-bonnet naman ang angkas nitong siyang bumaril sa biktima.

Voice clip… ang saksi sa insidente ng pamamaril.

Ang biktimang si Domingo ay dead on arrival sa South Cotabato Provincial Hospital sanhi ng malubahang mga tama ng bala ng baril sa ulo at paa.

Narekober ng mga pulis sa crime scene ang limang mga basyo ng 45 pistol.

Nakaligtas naman matapos tumakbo mula sa crime scene ang driver ng sinakyang nitong tricyle.
 

-0-

Local……………………

Sasailalim pa sa pagsasanay ang mga pulis sa General Santos City bilang paghahanda sa pagamit ng body camera sa kanilang mga police operation.
Layon nito ayon kay Gensan PNP Spokesperson Major Rissa Hernaez na matiyak ang mas maayos na monitoring at pag-proseso ng mga footages.
Ipinahayag ito ni Hernaez matapos kumpirmahin ang pagtanggap ng Gensan PNP ng labinanim na body cameras mula sa kanilang central office.
Sinabi ni Hernaez na naghihintay pa sila ng memorandum mula sa PNP 12 para sa training na pamamahalaan ng kanilang information technology o IT personnel.
Ang pagamit ng body cameras ay dahil na rin sa hangarin ng transparency at  tugon ng PNP sa reklamo ng publiko na mga pagkukulang at pangaabuso umano lalo na sa anti-illegal drug operation ng mga pulis.
Dinaqdag din ni Hernaez na magagamit din nila ang mga kuha ng body cameras na ebidensya sa pag-file ng mga kaso.
Sinabi ni Hernaez na dahil labin anim lamang ang kanilang mga  kamera,agad itong ibabalik sa city police office ng operating team matapos gamitin para na rin magamit sa operasyon ng iba nilang mga unit.
Ipinahayag din nito na kung kinakailangan hihiling ulit sila ng dagdag na body camera sa tulong ng PNP 12.
 

-0-

Local……………………

Naniniwala si Land Transportation Office o LTO 12 Regional Director Macario Gonzaga na hindi magiging madali ang pagpapatupad  ng Child Safety and Motor Vehicles Act.
Kaya sa halip na simulan na ang pagpapataw ng multa sa mga mahuhuling lalabag sa nasabing batas kahapon, nagsasagawa muna malakawang information education campaign o IEC hinggil dito ang LTO 12.
Aminado si Gonzaga na marami  pa rin kasing mga may ari ng pribadong sasakyan ang kulang pa ang kalaaman sa nasabing batas.
Inoobliga kasi ng nasabing batas ang pagamit ng “Child Car Seats” ng mga nasa 12 years old pababa at may tangkad na hindi lalagpas sa 4 feet at 11 inches. 
Layon nito na matiyak ang kanilang kaligtasan ng  mga bata sa biglaang pagpreno o vehicular crash.
Voice Clip…si LTO 12 Regional Director Macario Gonzaga
Ayon kay Gonzaga ang mga lalabag naman sa nasabing batas ay pagmumultahin ng one thousand pesos, two thousand sa fist at second offense at five thousand pesos at isang taong suspension ng driver’s license.
Sinabi ni Gonzaga na sa ngayon ay hindi pa tiyak kung kelan mariing ipatutupad ang Child Safety and Motor Vehicles Act
 

-0-

Local……………………

Kinilala ng Tupi PNP na pinamumunuan ni Police Captain Junrel Rey Gatera ang  biktimang nasawi sa vehicular crash na si Riven Adan Nakar, 22 years old, estudyante at nakatira sa Barangay Poblacion Tupi, South Cotabato.
Ang  motorsiklo na sinakyan ni Nakar ay nabangga ng Hi-Ace Van sa bahagi ng national highway, barangay Crossing Rubber, Tupi.
Lumabas sa inisyal na pagsisiyasat ng mga pulis na nabangga ng  van na nag-overtake sa prime mover truck sa innermost lane ng highway ang motorsiklo ng biktima. 
Dahil sa lakas ng pagkakabangga sa kanya ang biktimang si Nakar ay bumagsak sa sementadong daan.
Si Nakar na nagtamo ng matinding mga sugat ay binawian ng buhay sa isang pribadong ospital sa General Santos City.
Ang motorsiklo na minaneho nito  at Hi-Ace van na nakabangga sa kanyang pagaari ng Department of Agriculture at driver na si Delmar Para-at, 35 years old ng Koronadal City ay ikinustodya ng Tupi PNP.
Ito ay habang nagpapatuloy pa ang kanilang imbestigasyon sa insidente. 
 

-0-

Local……………………

Pinakawalan ng mga opisyal ng Community Environment and Natural Resources office sa natural habitat nito ang isang tarsier na kanilang na rescue sa Barangay Burias, Glan, Sarangani Province.
Ayon kay Glan Community Environment and Natural Resources Officer at Forester Abdul Cariaga unang nakakita sa Tarsier ang isang batang lalaki na nagbigay naman nito kay Burias Barangay Chairman Venancio Watta III.
Dahil hindi naman nakitaan ng anumang sugat, ang nasabing tarsier ayon kay Cariaga ay agad din nilang pinakalawan.
Ayon sa DENR 12 ang Tarsier ay inilakip  bilang near threatened species dahil sa unti unting pagbaba ng kanilang populasyon ng International Union for Conservation of Nature o IUCN Red Assessment noong 2008.
Malaking banta sa mga tarsier ayon sa ahensya ang pagkasira ng kanilang natural habitat, hunting, human disturbance at agricultural pollutants.
 

-0-

Local……………………

NAKA-SMILE NA NGAYON ang may 1,178 teaching at non-teaching personnel ng pampublikong paaralan sa 63 barangays ng North Cotabato dahil nakatanggap na sila ng sahod mula sa Bangsamoro Region.

Mismong si Ministry of Basic, Higher, and Technical Education o MBHTE Minister Mohaqher Iqbal ang nag-abot ng sahod ng mga guro mula sa anim na school districts 

Natanggap ng abot sa 1,178 teaching and non-teaching personnel mula sa 63 barangay sa North Cotabato ang kanilang unang sahod mula sa MBHTE.

Sila ay mga nagtuturo sa ilang mga barangays ng Aleosan, Carmen, Kabacan, Midsayap, Pigcawayan, at Pikit.

Sinabi ni Iqbal na magtatayo ng schools division office upang matutukan ang pangangailangan ng mga public schools at mga guro sa 63 mga barangay. 

Sa mga susunod na araw, itatalaga ni Minister Iqbal ang schools division superintendent, assistant superintendent at mga district supervisor para sa 63 barangay.
 

-0-

Local……………………

HINABOL NG MGA TRAFFIC ENFORCER at inaresto ang isang hold-upper na bago lang nakapambiktima ng isang 63-year-old na negosyante sa SK Pendatun Avenue, Barangay Poblacion Mother, Cotabato City kahapon.

Nakapiit na ngayon sa Police Station 1 ang suspect na si Basser Talib, 32 taong gulang at taga Barangay Rosary Heights 3.

Sa imbestigasyon ng PNP, lumabas na ang ginang ay naglalakad patungong Bangko para mag-deposit ng pera.  

Pero, nilapitan siya ni Talib at gamit ang kutsyilyo ay nagdeklara ng hold-up.

Umalma ang ginang kaya ito ay sinaksak ng suspect sabay hablot ng bag at tumakbo.

Pero, hinabol siya ng mga traffic enforcer hanggang sa ito ay madakip.

Sa panayam ng DXMS RAdyo Bida, inamin ni Talib na kaya niya nagawa ang krimen dahil daw sa walang makain ang kanyang pamilya.

Nabawi mula sa suspect ang bag ng biktima na naglalaman ng P400,000 cash at mamahaling cellphone.

Ginagamot na sa ospital ang ginang.
 

Winds destroy houses in Magsur, NoCot

COTABATO CITY --- Some 40 houses were destroyed by strong winds that pummeled lowlands in the adjoining towns of Montawal, Maguindanao del Sur and...

UK: Bangsamoro one of world’s few successful peace processes

MANILA – The United Kingdom has hailed the creation of the Bangsamoro region as one of the world’s few successful peace processes as it joined...

Antipas LGU releases official list of victims of highway mishap

OFFICIAL list of victims of March 25, 2024 vehicular accident involving passenger van and cargo truck. The list is from the local government of...

Cotabato Light announces April 6 power service interruption

Cotabato Light announcement:  To all our valued customers, please be informed of the scheduled power interruption affecting a portion of...

BARMM has new police regional director

CAMP SK PENDATUN, Maguindanao Norte - Police Brig. Gen. Prexy Dugas Tanggawohn was installed as new police regional director for the Bangsamoro...