Police augmentation dumating sa BARMM, ilan itatalaga sa Pikit bilang peacekeepers
COTABATO CITY - Dumating ang dagdag na mga police sa BARMM upang tumulong sa pagpapanatili ng kaayusan at katahimikan sa rehiyon.
ANG 100 strong police force ay personal na sinalubong ni BARMM police regional director Brig. Gen. John Guyguyon sa Camp SK Pendatun, Parang, Maguindanao.del Norte kahapon.
Karamihan sa mga pulis ay nagmula pa sa Luzon at Visayas na pinadala ni PNP Chief RODOLFO Azurin JR. Karamihan sa kanila ay itatalaga sa Pikit na tutulong na mapanatili ang peace and order kasunod ng mga nangyayaring patayan sa bayan.
Sa Lanao del Sur naman italaga ang iba upang tumulong na hindi lumala ang sitwasyon sa lalawigan kasunod ng ambush kay Gov. Mamintal Adiong.
Hinamon din ni Guyguyon ang lahat ng kanyang mga tauhan na maging alerto sa lahat ng panahon. Binigyang diin niya na bilang mga pulis, kailangang handa sa anumang mga mangyayari para maproteksyunan hindi lang ang sarili kundi ang komunidad.