Public schools sa Sox, 80 percent na ready sa face to face classes, ayon sa DepEd-12
KIDAPAWAN CITY – Pinaplantsa na lamang ngayon ng Department of Education ang kanilang paghahanda para sa ipapatupad muli na in person classes sa Region 12.
Batay sa tala ng DepEd, nasa halos 800,000 na mga mag-aaral mula sa ibat-ibang division ng rehiyon dose ang nakapagpatala pa para sa pasukan habang inaasahan pa ang dagdag na 300,000 na mga kabataan o mag-aaral.
Sinabi ni Regional Director Carlito Rocafort, nasa 80 percent ng handa ang kagawaran ng edukasyon para sa Lunes, kabilang ang mga paaralan, pagsunod sa health protocols ng mga kabataan at maging ng mga guro.
Bagaman aminado si Rocafort na may kakulangan pa rin sa mga silid-aralan at teaching personnel ang DepEd sa ngayon pero manageable naman habang pansamantalang gagamit ng Temporary Learning Spaces ang kulang na classrooms.
Samantala, naipresenta na ng Regional Director sa kanilang meeting para sa agarang pagpapalabas ng Billion pesos na pondo para sa pagsasaayos ng mga school building.