Reward money, alok ng LGU Pikit sa mga makatulong sa pagkilala sa mga suspect sa patayan
Mindanao Armed Conflict • 08:45 AM Mon Feb 20, 2023
293
By:
DXND KIDAPAWAN
Si Pikit Mayor Sumulong Sultan sa pulong ng MPOC (Photo from 90th Infantry Battalion)
KIDAPAWAN CITY – Naglaan na ng mas malaking halaga ang Local Government Unit ng Pikit, North Cotabato para sa agarang pagkakahuli ng mga responsable sa pamamaril sa bayan.
Mula sa 100,000 naging 400,000 pesos na ang alok na reward money sa makakapagturo o makakapagbigay ng impormasyon sa kinaruruonan ng mga suspect sa serye ng shooting incident.
P200,000 para kay Fahad Guimalon na 13-anyos na estudyante nitong February 14 at P200,000 rin para sa kaso ni Jose Neri Gonzales nito namang February 13.
Sila ay kapwa patay nang pagbabarilin ng di pa nakikilalang suspect sa magkaibang araw at magkaibang lugar.
“Stop the Killing” Ito lang din ang hiling ng Pikit Municipal Police Station sa lahat ng mga nasasakupan ng bayan.
Samantala, sa pagbabalik eskwela ngayong araw, Lunes ay magtatalaga o maglalagay ang mga otoridad at Brgy Officials sa bawat barangay ng Road Security sa mga paaralan para sa seguridad ng mga mag-aaral.