SK kagawad, pinsan patay sa vehicular crash sa Kidapawan City
NEWS BRIEFS • 10:00 AM Tue Jun 4, 2019
3
By:
DXND Kidapawan
Rescue workers respond to a highway crash in Kidapawan where one of the victims was a SK council member in North Cotabato. (Photo courtesy of Mhi Mi Boloron)
KIDAPAWAN CITY - Dalawa ang nasawi ilang oras matapos na masangkot sa vehicular crash sa Barangay Mateo, Kidapawan City.
Naganap ang aksidente alas 7:00 ng gabi nitong linggo.
Nakilala ang mga nasawing biktima na sina Nilo Catihan, 21 anyos SK kagawad ng Barangay Ganatan, Arakan, Cotabato at ang pinsan nitong si Lady Catihan, 22 anyos na kapwa nakatira sa Barangay Ganatan.
Ayon sa ulat, binabaybay ng mga biktima ang National Highway na minamaneho ng lalaking si Catihan.
Nang pagsapit sa lugar na pinangyarihan ng insidente ay sumalpok ito sa parating na sasakyan na minamaneho ni Teofilo Malon Siago, 66 years old, magsasaka at nakatira sa Barangay Pangao-an Magpet na nasa magkasalungat na direksyon.
Binawian ng buhay ang SK kagawad alas 3:30 ng madaling araw kahapon habang ibinabyahe sa isang ospital sa Davao City.
Samantala, pasado alas 7:00 naman ng umaga kahapon binawian din ng buhay ang pinsan nitong ni lady Catihan.
Nagtamo din ng kasiraan ang dalawang mga sasakyan na nasa kustodiya na ng Kidapawan City.