Friday Apr, 12 2024 07:22:46 PM

Sundalo na nakapatay ng 2 at pagkasugat ng 2 pa sa Magpet nakakulong na

Local News • 12:00 PM Tue Jan 2, 2024
407
By: 
Louige Allan Tutor/DXND
Ang suspect na si Sgt. Alin Anthony Buna Jimenez (Magpet PNP)

KIDAPAWAN CITY - DALAWA na ang patay matapos pumanaw sa ospital ang isa sa apat na biktima ng pamamaril ng isang sundalo sa Matas, Poblacion, Magpet, North Cotabato, bisperas ng bagong taon.

Sa ulat ng Magpet PNP na pinamumunuan ni Major Danilo Dillera Jr, kinilala ang ikalawang biktima na si Jason Baclao Torres na taga Barangay Imamaling ng nasabing bayan.

Si Torres ay nakunan ng dalawang bala sa likod ng katawan na idineklara ring patay kahapon matapos ang ilang araw na pakikipaglaban kay kamatayan sa ospital.

Nakaburol na rin sa ngayon sa kanilang tahanan sa Barangay Bongolanon ang 18 years old coffee shop assistant na si Eljey Repolidon na dead on the spot.

Habang naoperahan na sa kamay ang vlogger na si Kuyaphong vlog o si Francis Paul Isogon at discharge na rin sa ospital ang isa pang alias Johnny na pinsan ni Torres.

Lahat sila ay nag-aantay ng kanilang order sa isang burger chain nang paputukan ng suspek na si Sgt. Alin Anthony Buna Jimenez, 41 years old, may asawa, at miembro ng Civil Military Operation BAttalion ng 1002nd Brigade at taga Patag, Cagayan De Oro City.

Siya ay kusang isinuko ng kanyang superior na si 1Lt. Melvin Calzada Jr.

Sa report ng Magpet MPS, nakumpiska sa suspect ang issued firearm nito na isang unit Glock 17 Gen. 4 na may 2 magazines at isang (1) unit ng Suzuki Scooter na walang plate number na posibleng ginamit nito sa krimen.

Sa impormasyong nakalap ng Radyo BIDA, una umanong sinita ang sundalo ng di kilalang indibidwal bakit walang plaka ang motor at hinanapan ng registration.

Umalis si Jimenez at ilang minuto lang ay bumalik saka pinagbabaril ang mga tao sa harap ng Minute Burger outlet nang hindi makita ang taong sumita sa kanya.

Nakapiit na sa Magpet MPS ang suspect at inihahanda ang kaso laban sa kanya.

 

SACLEO: PRO-12 arrests 71 wanted persons, seizes P1.5-M shabu

KORONADAL CITY – Seventy-one wanted persons with warrants of arrest issued by various local courts were arrested during the daylong Simultaneous...

Supporters of DavNor Gov. Jubahib blocked capitol

DAVAO CITY - Supporters of Davao del Norte Gov. Edwin Jubahib continued barricading the gate of the provincial capitol against the police who handed...

Lalaki, naaresto ng PNP sa paglabag sa election gun ban sa Pigcawayan, North Cotabato

COTABATO CITY - Inaresto ng PNP ang isang 25-anyos na lalaki matapos lumabag sa ipinatutupad na Comelec gun ban sa Castor Street, Brgy. Poblacion 2,...

PDEA-12 agents seize P178K worth of MJ-flavored vapes in GenSan

KOROANDAL CITY - Fifty-one vape cartridges containing suspected marijuana oil were confiscated from three drug personalities in a buy-bust operation...

Cotelco announces scheduled power service interruption

KIDAPAWAN CITY - The Cotabato Electric Cooperative (Cotelco) today announced the scheduled power interruption on Friday, April 12, affecting this...