Tuesday Jun, 18 2024 04:42:49 AM

Suspect sa pagpatay sa hepe ng Ampatuan PNP, naaresto ng CIDG sa Midsayap

Local News • 06:45 AM Thu May 30, 2024
299
By: 
DXMS NDBC
Ang suspect habang nagpapagaling sa ospital sa Midsayap, North Cotabato (CIDG photo)

COTABATO CITY - HULI habang nagpapagamot sa isang ospital sa Poblacion 1, Midsayap, North Cotabato, ang isang lalaking nahaharap sa patung-patong na kaso matapos ikasa ng Criminal Investigation and Detection Group o CIDG BARMM ang manhunt operation pasado alas 4:00 ng hapon kahapon.

Kinilala ni CIDG BARMM Regional Chief Lt. Col. Ariel Huesca ang suspek na si Kamid Kambal Asam, alyas Kamir na taga Brgy. Lapok, Shariff Aguak, Maguindanao del Sur. Nasa ospital siya dahil sa gunshot wounds na natamo sa di tinukoy na pangyayari.

Siya ay nahaharap sa kasong double murder, multiple frustrated murder, murder with less serious physical injuries, robbery at theft sa iba’t-ibang korte sa Maguindanao.

Sinabi ni Huesca na ang suspek ay sangkot sa nangyaring ambush sa  Barangay Kapinpilan, Ampatuan, Maguindanao del Sur noong August 30, 2022 na ikinasawi ng dating hepe ng Ampatuan PNP na si Police Lt. Reynaldo Samson at isa pang pulis.

Pauwi na sina Samson at limang tauhan sa Poblacion Ampatuan matapos mabigo na isilbi ang warrant of arrest laban kay Kamid Kambal na nahaharap sa kasong robbery.  

Pagsapit nila sa Sitio Pasio, Barangay Kapinpilan ay inambush sila ng mga kasapi ng BIFF na kinabibilangan nina Abdulnasser Sabtulah Guianid, Guipar Abdulkarim a.k.a. Commander Boy Jacket, Sala Tunda, Johari Abdulbasser Guinaid, Phepe Saptulah, Abdulrah Sapal, Bobot Kamsa and Kamir Kambal.

Silang lahat ay mga tauhan ni Kagi Karialan ng BIFF.

Kulong na ngayon ang suspek sa detention cell ng CIDG BARMM. Katuwang ng CIDG BARMM sa operasyon ang Maguindanao Sur Provincial Police Office, Ampatuan PNP, 2nd PMFC, Midsayap PNP at iba pa.

6 dead, four hurt in General Santos City highway accident

COTABATO CITY - Five commuters, among them a 12-month-old child, and a tricycle driver died when the three-wheeled vehicle carrying them...

NDBC BIDA BALITA (June 17, 2024)

HEADLINES 1   P2.2 million na halaga ng shabu, nakumpiska ng PNP sa simultaneous operation nito sa Region 12 2   Sa North...

63 guns seized, confiscated during PRO-12 Sacleo

GEN. SANTOS CITY - A total of 62 operations were conducted that resulted in the arrest of 2 individuals and the confiscation of 63 assorted...

P2.2-M shabu seized during PRO-12 SACLEO

GEN. SANTOS CITY - The Police Regional Office 12, under the leadership of Regional Director Brig. Gen. Percival Augustus Placer has successfully...

Kagi Murad: Reflect on Eid al-Adha for stronger, unified Bangsamoro

COTABATO CITY – As Muslims celebrated Eid al-Adha on Sunday, Chief Minister Ahod Ebrahim called on the Bangsamoro community to reflect on the...