Wife survives machete attack during rape attempt in Tulunan, husband killed
Nagpapagaling na sa ospital ang biktimang si Susan Dumagat habang dead on arrival naman ang asawa nitong si Andong Dumagat matapos na tagain sa loob mismo ng kanilang bahay sa Purok 6, Barangay New Culasi, Tulunan, Cotabato alas 11:00 kagabi.
Sa inisyal na report na nakalap ng Radyo Bida, natutulog na ang mag-asawa nang pumasok ang suspek na kinilalang si Ariel Moda at tinangkang gahasain ang biktimang si Susan.
Nagpumiglas ang babaeng biktima dahilan para tagain ito ng suspek na tinamaan sa ulo pero nagawa pa nitong makatakbo palabas ng bahay para humingi ng tulong. Pinunterya namang tagain ng suspek ang asawa ni Susan gamit ang lagaraw na tinamaan sa balikat. Dead on arrival na ito ng isugod sa ospital.
Sa ngayon ay hindi na mahagilap pa ang suspek matapos na magawa ang krimen na dayo lang umano sa lugar.