Bihon downs 100 in South Cotabato
HEALTH • 12:15 PM Mon May 2, 2022
1
By:
DXOM Radyo Bida Koronadal
Some of the victims of suspected food poisoning in South Cotabato . (MDRRMO photos)
KORONADAL CITY Isinugod sa Lake Sebu Municipal Hospital kagabi ang 108 katao matapos mgreklamo ng matinding pananakit ng tiyan at pagkahilo dahil sa hinalang sila biktima ng food poisoning sa Lake Sebu.
Kinumpirma ito sa Radyo bida ni Lake Sebu Municipal Disaster Risk Reduction and Management Officer Roberto Bagong.
Ayon kay Bagong, ang mga nalason ng mga umanoy kinain na bihon ay mula sa mga Sitio ng Barangay Tasiman at Lamfugon.
Ang mga ito ayon kay Bagong ay dumalo sa mass gathering sa kanilang lugar kahapon ng hapon.
Sinabi Bagong na mahigit 20 sa mga biktima ay pawang mga bata.
Ipinahayag niya na mahigit 90 sa mga biktima na nakaramdamng pagsusuka at diarrhea ay nanatili pa sa Lake Sebu Community Hospital habang ang iba naman ay nakauwi na.
Nananwagan din si Bagong sa iba pang mga mamamayan sa kanilang lugar na nakaramdamng sintomas ng food poisoning na makipagugnayan sa kanilang mga barangay officials para madala sa ospital.
Payo naman nito sa mga mamamayan ng Lake Sebu na para hindi na maulit pa ang pangyayari maging maingat sa paghahanda ng mga pagkain lalo na para sa mga mass gathering.