Fireman at kasama, sugatan sa pamamaril sa Datu Saudi Ampatuan, Maguindanao
Peace and Order • 05:15 AM Thu Mar 17, 2022
664
By:
RUFFA MOKALID/DXMS Radyo Bida Cotabato
DATU SAUDI AMPATUAN, Maguindanao - ISINUGOD SA pagamutan ang isang fireman at isa pa matapos na sila ay pagbabarilin alas 9 ng umaga kahapon sa national highway ng bayang ito.
Kinilala ang mga biktima na sina FO1 Jingle Bedeña, 28 anyos at nadestino sa Sultan Sa Barongis Fire Station at Salahudin Pato, 21 anyos.
Sila ay pawang mga residente ng Mamasapano, Maguindanao.
Ayon sa Maguindanao PNP, sakay ng motorsiklo ang mga biktima ng bigla silang dikitan at pagbabarilin ng riding in tandem suspects.
Caliber .45 pistol ang ginamit sa pamamaril base sa basyo ng bala na narekober.
Kasalukuyan pang ino-obserbahan ang kalagayan ng mga biktima.