Maguindanao low lying communities binaha
Local News • 09:30 AM Mon Jul 18, 2022
794
By:
DXMS RADYO BIDA
Phots courtesy of Sharif Laguilay, LGU rescue unit at Barangay Buliok, Pagalungan LGU
LUBOG SA BAHA ang magkadikit na bayan ng Pikit Pagalungan at Datu Montawal dahil sa malakas na buhos ng ulan nitong weekend sa North Cotabato at Bukidnon.
Tulad ng mga nakalipas na mga malakas na pag-ulan, agad na binabaha ang municipal grounds at town hall ng Pagalungan. Kahapon, lampas tuhod ang tubig baha sa town hall compound.
Ang mga apektadong pamilya Datu Montawal ay pansamantalang naninirahan sa gilid ng highway dala ang kanilang mahahalagang gamit.
Isa sa kanila ay si Babo Baylen na nakapanayam saglit ng DXMS habang naghahanda ng hapunan sa gilid ng highway sa unahan lang ng Tunggol channel.
Aniya nakasanayan na nilang tumataas ang tubig sa ilog at maghihintay na lang na humupa ang baha bago umuwi.
SA Barangay Kilangan, Pagalungan, iyak nang iyak ang batang 12 years old dahil nadiskubre niya linggo ng umaga na inanod na ng baha ang dalawang sakong copra na kanyang inipon upang ibenta.