Pulis, aksidenteng nabaril ang sarili habang namamalengke
NEWS BRIEFS • 11:15 AM Sun Sep 11, 2022
8
By:
DXOM RADYO BIDA KORONADAL
KORONADAL CITY - Maging responsable sa paghawak ng mga issued firearms upang hindi mapahamak ang sarili o ang kapwa.
Ito ang apela ni Koronadal City PNP chief of police Lt. Col. Amor Mio Somine sa kaniyang kapulisan matapos aksidenteng nabaril ng isang pulis ang kaniyang sarili.
Kinilala nito ang pulis na si Patrolman Romgie Larroza Llorito, nasa legal na edad at naka-assign sa 1202nd Maneauver Company, RMFB 12 na nakabase sa Tacurong City, Sultan Kudarat.
Batay sa imbestigasyon, aksidente umanong nahulog ang issued firearm nito na 9amm pistol na nakasukbit sa kaniyang baywang habang namimili ng gulay sa Koronadal Public Market.
Sinalo naman ito ni Llorito ngunit aksidenteng pumutok ang kaniyang baril dahilan na tinamaan ito sa kaniyang pribadong bahagi ng kaniyang katawan at tumagos sa bukong-bukong.
Sa ngayon ay nagpapagaling na sa ospital si Llorito at nakatakda umanong isailalim sa operasyon, habang ang issued firearm nito ay nasa kustodiya ng Koronadal PNP para sa karampatang disposisyon.