South Cotabato jail guards discover illegal drugs inside facility
KORONADAL CITY- Natuklasan ng mga jail guard ang apat na mga malalaking sachet ng umano’y shabu habang sila ay nag-iikot sa South Cotabato Rehabilitation and Detention Center na mas kilalang provincial jail dakong alas nuebe ng umaga kanina.
Kinumpirma ito sa Radyo Bida ni OIC Provincial Jail Warden Felicito Gumapac.
Duda si Gumapac na ang iligal na droga ay madaling araw itinapon ng suspek sa loob mula sa labas ng compound ng provincial jail.
Ayon kay Gumapac ang itim kasi at naka-masking tape na plastic na pinagbalutan ng iligal na droga ay nilagyan din ng bato. Ito ayon kay Gumapac ay upang magkaroon ng bigat at maitapon mula sa labas ng nasabing pasilidad.
Sinabi ni Gumapac na dahil dito napatunayan ng mga jail guard na mali ang paratang na mayroon sa kanilang nagpupuslit ng iligal na droga sa provincial jail.
Ipinahayag din ni Gumapac na dahil dito mariin na ring ipinagbabawal sa mga persons deprived of liberty na lumapit sa perimeter fence ng kulungan.
Nananawagan din si Gumapac sa publiko na para matulungan ang mga inmate na magbagong buhay tigilan na ang pagpupuslit ng iligal na droga sa provincial jail.