Unknown to him, man sells carnapped motorbike to its owner
Peace and Order • 11:00 AM Mon Nov 28, 2022
361
By:
DXMS Radyo Bida Cotabato
For illustration purposes only from public site
NABULAGA ANG DALAWANG mga suspek matapos na malamang ang pinagbentahan nila ng kanilang nakaw na motorsiklo ay ang mismong may-ari nito.
Una nito, dumulog sa Police Station 1 ng Cotabato City PNP ang may-ari ng motorsiklo na si Alliudin ALiman na taga Rosary Heights 3 matapos nakawin ang kanyang XRM motorcycle na noo'y nakaparada lang sa kanilang bahay.
Habang nagfa-facebook, nakita niyang naka post ang kanyang motorsiklo at binebenta ito ng mga suspek na kinilalang sina Mosram Adam at Sul Kipos na mga taga Pikit, Cotabato.
Dahil dito ay agad na ikinasa ng Cotabato City Police Station 1 sa pangunguna ni Police Major John Vincent Bravo ang entrapment operation katuwang ang Matalam PNP sa Matalam, North Cotabato kung saan nangyari ang operasyon.
Dito ay nahuli ang dalawa na ngayon ay naka kulong na sa Custodial Facility ng Police Station 1, Cotabato City.