UPDATE: 6 die, 13 hurt in Maguindanao Norte hiway mishap
DATU ODIN SINSUAT, Maguindanao - ANIM ang kumpirmadong patay sa banggaan ng Hilux, Payong Payong at Hi-ace Van sa national highway boundary ng Sitio Gubat, Barangay Makir, at Barangay Kurintem, Datu Odin Sinsuat, Maguindanao del Norte.
Nangyari ang aksidente pasado alas kwatro ng madaling araw kanina, March 5, 2023.
ANG MGA NASAWI on the spot ay ang mismong driver ng van na si Unasan Kaul, taga Guindulungan, Maguindanao del Sur at mga pasahero nitong sina Norhaimin Baladek at Manaut Guialudin, kapuwa mula sa bayan ng General SK Pendatun, Maguindanao del Sur.
Naisugod pa sa pagamutan ngunit binawian din ng buhay ang isang lola na kinilalang si Kaidu Manalasal at Mamakong Salimbao, parehogn sakay ng van.
Dead on arrival din sa pagamutan ang driver ng Hilux na si Bomber Gani. Sa ngayon ay 13 ang nagpapagaling sa ospital, kabilang ang driver ng payong payong na nadamay sa aksidente.
Sinabi sa DXMS Radyo Bida ni Datu Odin Sinsuat PNP Investigator Staff Sergeant Benjamin Bedo na ang HiAce van ay galing GSKP patungong Lanao del Sur upang dumalo sana sa gaganaping reunion.
Galing naman sa Lanao del Sur ang hilux na patungong South Cotabato.
Nang pagsapit sa boundary ng Makir at Barangay Kurintem, Datu Odin Sinsuat, Maguindanao del Norte ay nabangga ng Hilux ang payong payong dahilan kung bakit nagsalpukan ang tatlong mga sasakyan.
Ngunit ito ay patuloy pang iniimbestigahan ayon kay Staff Sergeant Bedo.