Lalaking suspect sa pagpatay sa isang 13-year-old sa Banisilan, nakatakdang kasuhan
Local News • 16:30 PM Mon Jun 27, 2022
613
By:
DXMS Radyo Bida Cotabato
BANISILAN, North Cotabato – INIHAHANDA na ng PNP ang pagsasampa ng kaso laban sa 20 taong gulang na lalaking suspect sa pagpatay sa isang 13 taong gulang na bata sa Barangay Putting bato.
Sinabi ni Banisilan police chief Major Elmier Parreño na isasampa ang kaso laban sa suspect nakinilala sa pangalang Renier Usman na taga Barangay Kadingilan, Wao, Lanao del Sur.
Biernes ng gabi ay dumalo sa isang birthday party si Mary at naglakad pauwi kasama ng kapatid at isa pang kamag-anak.
Dumaan ang suspect na sakay ng motor at niyaya ang bata na sumakay.
Pero, hindi na ito nakauwi ng bahay at hinanap ng kapatid kasama ang kapamilya pero di nila nakita.
Maging ang suspect ay missing din sa barangay.
Sabado na nang madaling araw nang matagpuan ang bangkay ng batang babae sa isang bakanteng lote sa Barangay Puting Bato.
Ayon sa PNP, posibleng ginahasa muna ang bata bago pinatay. Ito ay may sugat sa kanyang ulo.
Sa pinangyarihan, naiwan pa ng suspek ang kanyang ginamit na motorsiklo.
Nang maaresto si Usman, may dugo pa ito sa kanyang paa na pinaniniwalaang dugo ng biktima.
Inaalam ng PNP kung sangkot sa illegal drugs ang suspect.