Army recover high powered guns in MagNor
Local News • 23:15 PM Sat Apr 6, 2024
358
By:
6th infantry Division news release
CAMP SIONGCO, Awang, DOS, Maguindanao del Norte – Nasamsam ng mga elemento ng 2nd Mechanized Infantry “Makasag" Battalion ang apat na matataas na kalibre ng armas sa Brgy Kakar, Datu Odin Sinsuat, Maguindanao del Norte, kahapon ng umaga (April 5, 2024).
Ayon kay Lt. Col. Jerome D. Peñalosa, ang battalion commander ng nasabing yunit na habang nagsasagawa ang kanyang tropa ng clearing operations sa Sitio Meto sa nabanggit na lugar namataan nila ang mga armadong grupo. “Habang papalapit ang ating tropa, mabilis na nagpulasan ang sampu katao at naiwan ang mga kagamitang pandigma nila,” wika ni Lt. Col. Peñalosa.
Kabilang sa mga nasabat na armas ay isang 30 Cal. Machine Gun; dalawang M16 A1; isang 40mm M79 Grenade Launcher, mga magasin at iba’t-ibang uri ng mga bala.
Nabatid na isa ang barangay Kakar sa tatlong mga barangay sa Datu Odin Sinsuat ang pinasok ng mga armadong pangkat nitong mga nakaraang araw dahilan para lumikas ang libu-libong mga pamilya.
Ayon kay Major General Alex S. Rillera PA, Commander ng 6ID/JTFC malaking bagay ang pagkakakumpiska natin nitong mga kagamitang pandigma at makuha sa kamay ng mga hindi awtorisadong tao na magdala ng mga baril. “Katumbas ito ng pagsasalba ng buhay ng mga inosenteng sibilyan,” pahayag pa ni Maj. Gen. Rillera.