4 pulis sugatan sa pag=-atake ng BIFF sa Datu Salibo
Mindanao Armed Conflict • 08:00 AM Tue Aug 29, 2023
684
By:
DXMS
APAT na mga pulis ang sugatan matapos na salakayin ng pinaniniwalaang kasapi ng Dawlah Islamiya at Bangsamoro Islamic Freedom Fighters ang isang police detachment sa Barangay Pagatin, Datu Salibo, Maguindanao del Sur kagabi.
Ayon kay Datu Salibo police station chief Capt. Ramillo Serame sa panayam ng DXMS Radyo Bida, ang mga nasugatang pulis ay mga kasapi ng 1402nd Regional Mobile Force Company na nakatalaga sa roadside detachment sa Barangay Pagatin.
Naganap ang harassment pasado alas 6 kagabi.
Agad na tumakas ang mga suspect nang gumanti ang mga police, ayon kay BARMM police regional director Brig. Gen. Allan Nobleza.
Aniya ang mga sugatan na sina Patrolman Abdul Lipuas, Patrolman Alesona Makasandig at Corporal Fernan Andres ay agad dinala sa pagamutan sa Midsayap, North Cotabato. Isa pa ang sugatan subalit minor injuries lang ang natamo.
Naniniwala si Nobleza na may mga sugatan din sa mga umatake dahil nakita ang bakas ng dugo sa lugar na kanilang dinaanan sa pagtakas.