Lalaki, nakaligtas sa pamamaril; chief of police tinamaan sa pursuit ops pero bullet proof vest lang
Peace and Order • 22:30 PM Sat May 13, 2023
743
By:
DXMS Radyo Bida Cotabato
SWERTENG nakaligtas sa kamatayan ang isang lalaking dumayo lang sa Cotabato City matapos na pumalya ang baril ng dalawang mga suspek, umaga kanina sa Purok Torion, Poblacion 1 ng lungsod.
Ang biktima ay dumalo lang sa isang family reunion nang tangkang barilin ng mga suspek.
Kinilala ni Police Station 1 Commander Major John Vincent Bravo ang biktima na si Norodin Magindra Manarasal, 56-anyos na taga Labangan, Zamboanga Del Sur Agad namang rumesponde ang mga tauhan ng PNP station 1 at naabutan ang dalawang mga suspek.
Pero nakipagbarilan ang mga ito sa mga pulis at dahil sa suot na vest ni Major Bravo ay swerteng hindi tumagos ang bala sa kanyang dibdib. Para makatakas, tumalon naman ang mga suspek sa ilog ng Rio Grande de Mindanao.
Patuloy ngayong pinaghahanap ang dalawang mga suspek.