Gunmen shot dead woman in broad daylight in Maguindanao
Peace and Order • 21:15 PM Sat Jul 24, 2021
886
By:
RUFFA MOKALID/DXMS Radyo Bida Cotabato
Police, civilians mill around a passenger van where a woman in front seat was shot. (Photo courtesy of Agnes A. Tahir
DATU ODIN SINSUAT, Maguindanao - HINDI NA UMABOT SA PAGAMUTAN ang isang ginang matapos pagbabarilin sa Kanto Broce, Barangay Tamontaka, Datu Odin Sinsuat, Maguindanao kaninang pasado alas tres ng hapon.
Kinilala ang biktima na si Babay Cabo Ungka, 38 years old at taga Barangay Poblacion Dalican ng nasabing bayan.
Sa impormasyong ipinarating sa Radyo Bida ng Datu Odin Sinsuat PNP sa pangunguna ni Commander Lt. Col. Romel Dela Vega, galing sa coastal area particular sa Barangay Badak ang biktima kasama ang kanyang pamilya sakay ng kulay berdeng Mazda Bongo "townace" na may plate number na JFB 372.
Pagsapit sa kanto Broce ay bigla itong pinagbabaril ng hindi pa nakikilalang mga salarin sakay ng Suzuki Rider 150 na agad tumakas patungong Barangay Awang.
Agad namang isinugod sa hospital ang biktima pero idineklara itong dead on arrival ng mga attending physician.
Nagtamo ng maraming tama ng bala ang biktima dahilan upang ito'y bawian ng buhay.
Narekober sa crime scene ang dalawang piraso ng fired cartridges at isang slug ng Caliber .45 pistol.
Nagpapatuloy pa ang imbestigasyon ng Datu Odin Sinsuat PNP hinggil sa pangyayari.