Barangay kagawad, kasama niya, patay sa pamamaril sa Maguindanao
Mindanao Armed Conflict • 09:15 AM Wed Oct 27, 2021
930
By:
DXMS RADYO BIDA
Police conduct probe on the site where two men were shot dead in Datu Odin Sinsuat, Maguindanao. (Photo courtesy of Datu Aliman)
COTABATO CITY - PATAY ANG DALAWA KATAO matapos barilin ng hindi pa natutukoy na salarin pasado tres ng hapon kanina sa Barangay Makir, Datu Odin Sinsuat, Maguindanao.
Kinilala ang mga biktima na sina Barangay Kagawad Mansor Andil, at Aliakbar Abdullatip na pawang taga Barangay Pandag sa bayan ng Pandag, Maguindanao.
Sa inisyal na pagsisiyasat ng Datu Odin Sinsuat PNP sa pangunguna ni PLt.Col Romel Dela Vega, sakay ng HONDA 150 ang dalawang biktima nang buntutan sila ng hindi nakikilang mga suspek sakay ng hindi naplakahang motor.
Hindi na nagawang maisugod sa hospital ang dalawa matapos na sila ay agad bawian ng buhay.
Narekober sa crime scene ang pitong basyo ng caliber .45 pistol.
SA panayam ngayong umaga kay Maguindanao PNP spokesperson Lt. Fayeed Cana, sinabi nito na namataan ang dalawa sa Poblacion Dalican at may kaduda-dudang kilos.