Drug suspect, naaresto matapos mag pot session sa Sultan sa Barongis, kasamahan nakatakas
Local News • 06:45 AM Wed Mar 20, 2024
329
By:
DXMS NDBC
HULI sa joint operation ng Maguindanao Sur Drug Enforcement Unit, Sultan Sa Barongis PNP at iba pang law enforcement units ang isang drug suspek pasado alas 2:00 ng hapon kahapon sa Brgy. Barurao, Sultan Sa Barongis, Maguindanao del Sur.
Ayon sa ulat ng Sultan Sa Barongis PNP na pinamumumuan ni Lt. Alfred Gregory, nakatanggap aniya sila ng report hinggil sa mga nag po-pot session sa bahay ng isang Thon Gayao Utto alyas Thon at nang magsagawa ng raid ang kapulisan ay mabilis na nakatakbo ang mga suspek.
Hindi naman nakatakas kasama ng grupo si Norman Galindo Piang matapos makorner ng raiding team sa loob ng bahay.
Sinubukan pang habulin ng mga pulis ang iba pang mga suspek subalit mabilis silang nakatakas.
Nakuha sa suspek at loob ng bahay ang isang M16 Rifle, isang magazine, mga bala, 12 piraso ng suspected shabu at iba pa.
Tinatayang nasa 105,000 pesos ang halaga ng droga.
Kulong na ngayon ang suspek at sasampahan ng kaukulang mga kaso.