Cops raid house of suspended mayor in Sultan Kudarat, seize guns
PRES. QUIRINO, Sultan Kudarat - Kasalukuyan na ngayong pinaghahanap ng mga otoridad ang suspendidong alkalde sa bayan ng President Quirino, Sultan Kudarat kabilang na ang ABC president matapos ang isinagawng raid ng mga kapulisan sa kani-kanilang mga bahay.
Isinagawa ang naturang operasyon sa Barangay Mangelen.
Ayon kay Sultan Kudarat Provincial Police Office public information officer Lt. Col. Joel Fuerte, inilunsad ang nasabing raid batay sa search warrant na inilabas ni Regional Trial Court Judge Allan Edwin Boncavil dahil sa pagkakaroon umano ng mga matataas na kalibre ng armas at pampasabog sa mga bahay nina suspended mayor Azel Mangudadatu at ABC president Cherry Valenzuela.
Narekober ng raiding team sa bahay ng mga ito ang sari-saring mga matataas na kalibre ng armas, mga granada, at ilan umanong mga sachet ng pinaniniwalaang shabu.
Dagdag ni Fuerte, wala sa kani-kanilang mga bahay ang mga target ng raid nang isinagawa ang operasyon.
Sa ngayon ay kasong paglabag sa RA 10591 kag RA 9516 (illegal possession of firearms and explosives) ang kinakaharap ni Mangudadatu habang paglabag naman sa RA 9165 naman ang isinampang kaso laban kay Valenzuela.