Magkapatid pinagbabaril sa Tupi, 1 patay, 1 sugatan, IED components na-recover
Peace and Order • 08:15 AM Thu Jan 5, 2023
716
By:
DXOM Radyo Bida Koronadal
TUPIM, South Cotabato - Nagpapatuloy ang imbestigasyon ng kapulisan matapos ang nangyaring pamamaril malapit sa barangay hall ng Barangay Palian pasado alas 2 kahapon.
Sa ulat na natanggap ni South Cotabto police provincial director Colonel Nathaniel Villegas mula sa Tupi PNP, nakilala ang nasawing biktima na si Eman Boris Kalamongi, 21 anyos habang sugatan ang kapatid nitong si Jayvee, 24 anyos kapwa may asawa at mga residente ng Lote, Sitio Abdul, Barangay Palian.
Batay sa inisyal na imbestigasyon, pinagbabaril umano ng pinaniniwalaang riding-tandem suspects ang mga biktima na naghihintay sa waiting shed.
Dead on the spot si Boris dahil sa maraming tama ng bala sa katawan, habang nakahingi pa ng tulong si Jayvee na kaagad isinugod sa South Cotabato Provincial Hospital.
Nakita rin umano sa sling bag mula kay Eman ang mga component ng pinaniniwalaang ingredients ng improvised explosive devices.
Narekober sa crime scene ang 10 fired cartridge ng kalibre 45 at itim na Sinski 150cc motorcycle na gamit ng mga biktima.
Nabatid na may kinakaharap rin na kasong robbery with homicide si Eman na inisyu noong Nobyembre 18, 2022.
Sa ngayon ay inaalam pa ng mga otoridad kung ano ang motibo sa nasabing pamamaril.