1,200 cops secure Tnalak Festival 2023 in Koronadal
KORONADAL CITY - Handa ang pulisya sa inaasahang pagdagsa ng mamamamayan para makisaya bukas sa culmination ng 24th T'nalak Festival at 57th Foundation Anniversary ng South Cotabato.
Sa katunayan ayon kay PNP Provincial Director Col. Cedric Earl Tamayo, ngayon pa lang abot na sa higit 1,200 na security forces ang kanilang nai-deploy sa mga venue ng selebrasyon.
Kinabibilangan ang mga ito ng PNP, at Army katuwang ang mga force multipliers tulad ng Barangay Peace Keeping Action Team o BPATs, reservists, kabalikat, at iba pang security forces at volunteers.
Marami sa mga ito ay itatalaga din sa Alunan Avenue at South Cotabato Sports Complex na venue ng street dancing at anniversary program na inaasahang dadagsain ng mga manonood.
Pinaalalahanan din ni Tamayo ang publiko na bawal sa mga venue ng aktibidad ang backpack.
Pinayuhan din nito ang mga makikisaya sa selebrasyon na para hind maging target ng mga masasamang loob tulad ng mga snatcher, huwag magsuot ng mga alahas, at i-secure ang mga cellphone at wallet.