2 biktima ng pamamaril sa DOS, Maguindanao Norte
UNANG BINARIL nitong Huwebes ng hapon ang biktimang si Reydan Linas Uga, magsasaka, 28 anyos na residente ng Labungan, Datu Odin Sinsuat, Maguindanao del Norte.
Siya ay binaril sa bahagi ng Sittio Mamaan, Barangay Labungan.
Sa initial investigation ng Datu Odin Sinsuat PNP sa pangunguna ni Major Regie Albellera, sugatan ang biktima matapos barilin ng ilang beses.
Tinamaan ang biktima sa kaliwang siko, balikat at pisngi.
Nagpapatuloy pa ang imbestigasyon.
SAMANTALA, patay on the spot ang isang lalaki matapos pagbabarilin pasado alas siete kagabi sa Barangay Taviran, Datu Odin Sinsuat.
Kinilala ang biktima na si Datu Marco Lauban, 35 anyos na taga Mother Kabuntalan, Maguindanao del Norte.
Ayon sa Datu Odin Sinsuat PNP, minamaneho ng biktima ang kaniyang Toyota Altis papunta sana sa Cotabato City nang biglang pagbabarilin ng hindi pa tukoy na suspek sa crossing Taviran.
Matinding tama ng bala ang tinamo ng biktima dahilan ng kaniyang agarang kamatayan.
Caliber .45 pistol ang ginamit sa pamamaril base sa nakuhang basyo ng bala sa crime scene.
On going pa ang imbestigasyon.
Ito na ang ikaapat na kaso ng pamamaril sa bayan sa loob lamang ng anim na araw.