2 patay sa magkahiwalay na pamamaril sa Tacurong City
Local News • 22:00 PM Wed Jun 19, 2019
1
By:
Mark Jamillo/Radyo Bida
Makikita sa mga larawan ang mga labi ni Erickson Aranico na nakahiga sa loob ng kanyang internets shop at ang motorsiklo ni Norodin Dinding sa gitna ng kalye at ang kanyang mga labi na nakaupo pa sa isang tricycle. (contributed photos)
TACURONG CITY- Nagpapatuloy pa ang imbestigasyon ng mga otoridad sa dalawang kaso ng pamamaril sa Barangay Poblacion, Tacurong City kaninang umaga.
Sinabi ni Tacurong City police director Lt Colonel Joefel Siason na pasado alas 10:20 ng umaga ng pinasok ng mga gunmen ang isang internet cafe at pinagbabaril ang may-ari nito na si Erickson Aranico, 32 anyos at residente ng Purok II, Barangay Poblacion.
Inaalam pa ang motibo at pagkakilalan ng suspects.
Sinundan naman ng panibagong pamamaril pasado alas 11 ng umaga kung saan patay si Norodin Dinding na taga Buluan, Maguindanao.
Sa imbestigasyon, binaril ng mga suspek ang biktima habang nagmamaneho ng kanyang motor. Tumulong pa ang mga residente sa lugar na isakay ang biktima sa tricycle patungung pagamutan. Sinundan naman ito ng mga suspek at muling binaril ang biktima.
Ayon kay Siason, posible na may hideout ang mga suspek sa loob ng lungsod dahil bigla na lamang ang mga itong nawawala kung hahabulin ng mga otoridad.