4 VCM di gumana sa Magpet, North Cotabato
KIDAPAWAN CITY - Pumalya at hindi gumana ngayong hapon ang apat na mga Vote Counting Machine (VCM) sa apat na barangay sa Bayan ng Magpet North Cotabato.
Nitong hapon sabay sabay na hindi gumana ang mga VCM sa barangay ng Basak, Imamaling, balite at Manonisa.
Ayon kay Magpet election officer Diosdado Javier, pahirapan umano ang signal sa naturang mga barangay dahilan para mahirapan din sila sa pag update kung may mga pumalyang VCM.
Ang iba umano ay kinailangan pang bumaba ng barangay Poblacion para makapag padala ng resulta.
May mga insidente rin ng pagkahimatay ng ilang botante sa ilang mga paaralan dahil na rin sa tindi ng init habang nasa pila para bumoto.
Sa ilang mga barangay ay halos patapos nang bumoto ang mga residente at inaantay nalang na magsara ang botohan.