9 villages in Cotabato City may experience lack or no water supply at all
COTABATO CITY - Siyam na Barangay sa Cotabato City mawawalan ng tubig ayon sa MCWD matapos sapilitang mag shutdown ang Biniruan bulk water plant dahil sa El Niño
DAHIL sa matinding epekto ng El Niño at pagbaba ng lebel ng tubig sa ilog, napilitang mag shutdown pansamantala ang isa sa mga water sources ng Metro Cotabato Water District.
Ito ay ang Biniruan Bulk Water Plant na pagmamay-ari ng Hanabana Construction and Equipment Corp na ang facilities ay matatagpuan sa Biniruan, Barangay Poblacion 9, Cotabato City.
Ayon sa MCWD, ang pagbaba ng lebel ng tubig sa ilog (Biniruan) ay nagdulot ng pagtaas ng lebel ng salinity o pagkaalat sa raw water nito.
Sa sobrang taas ng pagkaalat ng tubig, ay pansamantalang hininto ang operasyon ng planta dahil hindi na nito kinakaya ang pag treat at pag filter ng raw water.
Ang ganitong kataas na lebel ng pagkaalat ay di na rin mabuti sa kalusugan ng tao.
Dahil dito, apektado ang siyam na Barangays ng Barangays Poblacion Mother, Poblacion 2, 3, 4, 8, 9, RH 3, 4 at 5.
Upang magkaroon ng supply ang mga nabanggit na Barangays ay pansamantalang nagbukas ng mga valves ang Water District mula sa Dimapatoy, Tanuel, Rebuken at Macaguiling Bulk Water Supply.
Apektado naman ang ibang service areas na dati-rati ay 24/7 ang supply ng tubig.
Humingi na rin ang MCWD ng assistance kay Cotabato City Mayor Bruce Matabalao, BARMM Government (BARMM READi) Philippine Red Cross, at kalaunan kapag mas lumala pa ang sitwasyon ay sa BFP at Filipino-Chinese Fire Brigade.
Hinihikayat ang lahat na ipagpatuloy ang pagtipid ng paggamit ng tubig.