Barangay Kagawad patay, driver sugatan sa ambush sa Datu Hoffer, Maguindanao Sur
PATAY ang isang barangay kagawad habang nakaligtas naman ang driver nito matapos tambangan ng mga suspek sa Barangay Tuayan 1, Datu Hoffer, Maguindanao del Sur pasado alas 2:00 ng hapon kanina.
Kinilala ni Datu Hoffer town police chief Lt. Albert Pansoy ang nasawi na si Juanito Promboy, nasa hustong gulang, Barangay Kagawad ng Mother Tuayan ng Datu Hoffer.
Sugatan naman ang driver nitong si Ronald Angit, na taga Timanan, South Upi, Maguindanao del sur.
Ayon sa ulat, sakay ang dalawa sa Skygo 125 at binabaybay ang Brgy. Tuayan Mother sa Datu Hoffer patungo sanang Barangay Limpongo sa nasabi ring bayan nang tambangan sila ng mga suspek sakay rin ng isang motorsiklo.
Tinamaan ang driver na si Angit sa bandang leeg habang sa tagiliran naman si Promboy.
Agad na isinugod sa ospital ang mga biktima sa pero idineklarang dead on arrival si Kagawad Promboy.
Patuloy pa ngayon ang imbestigasyon ng PNP sa nasabing krimen.