BIFF member patay nang masabugan ng IED sa Maguindanao del Sur
COTABATO CITY - Patay ang isang kasapi ng Bangsamoro Islamic Freedom Fighter na kinilalang si Tantrex Eskak matapos umanong aksidenteng sumabog ang ginagawa nitong Improvised Explosive Device o IED nito lamang weekend.
Sa impormasyon mula sa Bravo Company ng 40th Infantry Battalion, nangyari ang pagsabog sa bahagi ng Barangay Malangog, Datu Unsay, Maguindanao del Sur. Balak umano sanang pasabugan ng grupo ni Tantrex Eskak ang Municipal Police Station ng Datu Unsay subalit sumabog umano ito habang kinakabit ang components ng IED.
Patay on the spot si Tantrex habang sugatan ang pito pang kasamahan nito.
Kinukumpirma pa sa ngayon ng mga otoridad ang posibilidad na may kaugnayan ang nasabing insidente sa palapit na BSKE ang naudlot na paghahanda ng nasabing grupo.
Sa karagdagang impormasyon, asawa umano ni Tantrex ang pamangkin ng kumander ng Karialan Faction ng BIFF.
Mas pinaigting naman ngayon ng mga militar ang mga security measures at pakikipag-ugnayan s aiba pang security sectors upang mapanatili ang kaayusan at kapayapaan ng bayan.