Estudyante na isang CAFGU, patay sa pamamaril sa Pikit
Peace and Order • 11:30 AM Wed Nov 29, 2023
705
By:
NDBC NCA
PATAY on the spot ang isang Grade 11 student matapos pagbabarilin sa loob ng compound ng Datu Dalandag High School Annex sa Barangay Ginatilan, Pikit, North Cotabato alas 11:05 ng umaga kahapon, November 29.
Kinilala ni Pikit PNP Town Chief Pmajor Arvin John Cambang ang biktima na isang John Rey Cablas Cabuga, Grade 11 student, na miyembro rin ng CAFGU sa Alpha company ng 90th IB na nakabase malapit sa paaralan.
Nabatid na may kinukumpuni ang estudyante ng lapitan ng suspek at pinagbabaril. Tinamaan ito sa ulo at likod na sanhi ng kaniyang agarang kamatayan.
Agad naman tumakas ang suspek sakay sa lookout na nakamotorsiklo. Nasa anim na basyo Caliber 45 pistol ang narekober sa crime scene.
Agad namang sinuspende ang klase sa paaralan at base sa huling update, magpapatuloy ang suspensyon ngayong araw.
Wala pang abiso kung kailang babalik ang pasok sa nasabing paaralan.
Nagpapatuloy naman amg imbestigasyon ng PNP sa motibo at pagkakakilanlan ng mga suspek.
Mga larawan sa ibaba mula kay Noh Angeles.
