Kampanya kontra dengue, mas pinalakas ng DOH 12
KORONADAL CITY - Magsuot ng mga pantalon, damit na may mahabang manggas at ugaling gumamit ng mosquito repellant para labanan ang dengue.
Ito ang payo sa mga mamamayan ni DOH 12 Spokesperson Arjohn Gangoso.
Hinihikayat din ni Gangoso ang publiko na suportahan ang fogging operations na ginagawa kung tumaas ang kaso ng dengue sa kanilang komunidad.
Ipinahayag ito ni Gangoso kasunod din ng pagpapaigting ng kampanya kontra dengue ng DOH katuwang ang mga healthcare workers at Rural Health Units.
Ayon pa kay Gangoso, isinusulong nila ang paglilinis sa mga lumang gulong, imbakan ng tubig, bote at iba pang mga lugar o basura na maaring pamugaran ng mga lamok na nagdadala ng dengue.
Ipinunto nito na malaki ang nagagawa ng malinis na kapaligiran para mapuksa ang dengue carrying mosquitos.