Kapitan ng Barangay RH 3 sa Cotabato City nanalo sa pamamagitan ng draw lots
Breaking News • 16:15 PM Tue Oct 31, 2023
591
By:
Mark Tayco/DXMS
Iitnaas ng chairman ng electoral board ang kamay ni Omar Pasawilan matapos na siya ang nanalo sa draw lots.
COTABATO CITY - Panalo sa "drawing of lots" si candidate Omar Pasawilan at siya na ngayon ang Barangay Chairman ng Rosary Heights 3 sa Cotabato City.
Nabatid kasi na tabla sila sa boto ng kanyang katunggali na si Sukarno Utto pagkatapos ng bilangan.
Idinaan sa "drawing of lots" upang malaman ang nanalo. Ito ay ayon sa batas, pahayag ni Cotabato City Election Officer Atty. Norpaisa Paglala Manduyog.
Upang mabatid na sino ang unang bubunot, nag toss coin muna.
Parehong nakakuha ng 997 votes ang dalawa.