Police station, pinasabugan sa Shariff Saydona Mustapha
Local News • 16:30 PM Mon Mar 18, 2024
380
By:
DXMS
File photo
INAALAM pa ng PNP ang motibo ng paghagis ng granada sa compound ng Municipal Police Station ng Shariff Saydona Mustapha sa Barangay Nabundas, Shariff Saydona Mustapha, Maguindanao del Sur, mag aalas-onse nitong Linggo ng gabi.
Ito ang kinumpirma sa Radyo Bida ni Police Regional Office BARMM Regional Director BGen. Allan Nobleza.
Ayon kay Nobleza, tumama sa septic tank ng nasabing himpilan ang hindi pa matukoy na uri ng pampasabog.
Wala namang malaking pinsala na naidulot ang naturang pagsabog at wala ring nasugatan sa nasabing insidente.
Inaalam pa ng PNP kung kagagawan ito ng local terrorist group dahil sa kanilang sunod-sunod na pang-aatake sa Maguindanao del Sur nitong mga nakalipas na buwan.
Mas hinigpitan pa ngayon ng PNP ang kanilang checkpoint operations sa lugar katuwang ang Army.