Welder patay, 3 pa sugatan sa shooting sa sabungan
Local News • 21:30 PM Sat May 4, 2019
879
By:
Roel Osano
Ang mga sugatang biktima (DXOM)
Kinilala ng Koronadal City PNP na pinamumunuan ni Police Lt. Col Rey Egos ang nasawing welder na si Reynan Pagdato 54 anyos na nagmamay ari din ng tindahan sa compound ng Koronadal Sports Complex sa barangay, Sto. Nino, sa syudad.
Si Pagdato ay agad na binawian ng buhay sa pamamaril ng tatlong mga salarin na bigla na lamang umanong pumasok sa sabungan alas dyes y medya kagabi.
Sugatan din sa insidente si Harry Depito 15 anyos estudyante na kritikal ngayon ang kondisyon dahil sa tama ng bala ng baril sa ulo.
Nagpapagaling din sa iba’t ibang mga ospital sa Koronadal ang mga sugatan sa insidente na sina Johnreal Alverio, 22 anyos, laborer at Mark John Berameda, 12 anyos, pawang mga nakatira sa Barangay Sto. Nino sa syudad.
Ayon sa ina ng isa sa menor de edad na tumangging magpakilala, ang mga sugatang biktima ay suma-sideline bilang tagabantay ng mga nakaparadang sasakyan ng mga pumapasok sa sabungan.
Hindi pa batid ng mga pulis kung sino ang tatlong mga suspek at ano ang motibo ng mga ito sa pamamaril.