6-month old baby dies in quake hit area due to dehydration

MAKILALA, North Cotabato - Patay ang anim na buwang sanggol na bakwit dahil sa matinding dehydration sa Purok Lubi New Bulatukan, Makilala, North Cotabato.

Sinabi ni Municipal Health officer Dr. Georgina Sorilla, nitong linggo ay nakitaan anya ng mga rushes at nagtatae ang bata na nakilalang si Windcesz Arella Piala.

Agad naman siyang nilapatan ng gamot hanggang sa isinugod na nila sa ospital pero ideneklarang patay ng mga doctor.

Nabatid na pansamantalang nakatira ang kanyang pamilya sa tent matapos na masirang kanilang bahay dulot ng pagyanig.
Ayon sa mga doctor, severe dehydration ang sanhi ng pagkamatay ng anim na buwang sanggol na babae.

Samantala, apela naman ngayon ni Sorilla lalo na sa mga nasa evacuation center na makipagtulungan sa kanila at kung makakaramdam ng sakit ay agad na makipag-ugnayan o lumapit sa mga doctor na nasa incident command post post ng LGU upang agad na malapatan ng lunas.

Sa ngayon anya ay patuloy nilang tinututuukan ang kalusugan lalo na sa mga kabataan na nasa ibat-ibang mga evacuation center ng bayan.