Isa patay, anim sugatan sa highway accident sa Midsayap
Local News • 17:30 PM Sun Feb 4, 2024
506
By:
DXMS NDBC
MIDSAYAP, North Cotabato - PATAY ang driver ang habang sugatan naman ang anim na pasahero nito nang masangkot sa vehicular crash sa Barangay Poblacion 8 kaninang madaling araw.
Kinilala ni Midsayap town police chief Lt.Col. John Miridel Calinga ang nasawi na si Hezam Tambilan, 25-anyos, habang sugatan naman ang anim na iba pa kabilang ang dalawang mga menor de edad, na lahat ay taga Sto. Tomas, Davao del Norte.
Ayon kay Calinga, sakay ang mga nabanggit sa isang puting multicarry patungo sanang direksyon ng Cotabato City, nang pagsapit sa lugar ay aksidente nitong nabangga ang likurang bahagi ng Fuso truck tractor.
Sa tindi ng impact, lubhang nasugatan si Tambilan na kalauna’y binawin din ng buhay. Patuloy namang nagpapagaling ang anim na iba pa.
Halos hindi naman mapakinabangan pa ang sinakyan nilang multicarry dahil sa tindi ng pinsala.