P2.7-M na smuggled cigarettes, nasabat ng PNP sa Maguindanao Norte, 3 katao naaresto
Local News • 18:30 PM Sun Feb 4, 2024
471
By:
DXMS NDBC
KASUNOD ng intel-driven operation ng Sultan Kudarat PNP, naaresto ang tatlong kalalakihan na may dalang smuggled cigarettes, pasado ala 1:00 ng hapon kanina.
Kinilala ni Sultan Kudarat PNP chief Lt.Col. Ismael Madin ang mga nahuli na sina: Garban Jhon Rex Paglinawan, nasa hustong gulang na taga South Upi, Maguindanao del Sur, Jason Lanoria, 30-anyos na taga Brgy Making, Parang Maguindanao del Norte at Abubakar Halid Nawal, na taga Talayan, Maguindanao del sur.
Ayon sa ulat, na flagged down ang tatlo habang sakay ang mga ito sa isang gray wing van at nadiskubre ng PNP ang kanilang dala-dalang kontrabando sa national highway ng Brgy. Dalumangcob, Sultan Kudarat.
Nasa 150 mga box ng Berlin smuggled cigarettes ang nakumpiska ng PNP.
Kulong na ngayon ang tatlo sa Sultan Kudarat PNP custodial facility.