Pulis naaresto, P4-M shabu nakumpiska sa Cotabato City drug buy bust
Local News • 05:30 AM Sat Jan 6, 2024
440
By:
NDBC NCA / Drema Q. Bravo
Mga larawan mula sa Cotabato City PNP at PDEA
HULI ang isang kasapi ng Philippine National Police at isa pang indibidwal sa ikinasang drug buy bust operation ng PDEA at PNP, pasado alas 7:00 ng gabi kanina sa Quezon Avenue, Parang Road, Cotabato City.
Kinilala ng PDEA BARMM ang nahuling pulis na si Staff Sgt. Mujeeb Bitayo Sepi na nakatalaga sa Sultan Kudarat Municipal Police Station.
Habang ang isa pang nahuli ay kinilala namang si Farida Alim Alfonso.
Ang operasyon ay magkatuwang na ikinasa ng PDEA BARMM, Cotabato City Police Station 1, Marine Battalion Landing Team 5 at iba.
Nahuli ang dalawa matapos nilang mapagbentahan ng shabu ang isang PDEA undercover agent.
Narekober sa mga suspek ang 12 ng hinihinalang shabu na nagkakahalaga ng P4,080,000, at iba pang mga kagamitan.
Kulong na ngayon sa PDEA custodial facility ang mga suspek at nakatakdang sampahan ng kasong paglabang sa RA 9165 o Comprehensive Dangerous Drugs Act.
