Teacher patay sa grenade explosion sa Pikit
PIKIT, NORTH COTABATO – Hinagisan ng granada ng di pa tukoy na suspek ang isang guro habang mahimbing na natutulog, sa Barangay Ginatilan, Pikit, North Cotabato alas 2:00 ng madaling araw kanina.
Sa panayam kay Pikit PNP Chief Police Lt. Col John Miredel Calinga, dead on arrival ang biktima na nakilalang si Marichu Valle Cabañog, 42-anyos, guro ng Balong Elementary School.
Lumalabas sa imbestigasyon na natutulog lang ang guro kasama ang kanyang pamilya nang makarinig ng malakas na pagsabog na maaring inihagis sa bintana ng silid.
Wasak ang pribado at ibabang bahagi ng katawan ng biktima.
Sa ngayon, patuloy pa ang data gathering ng mga pulis dahil hindi pa makausap ang asawa ng biktima na makakatulong sa imbestigasyon.
Sa pinakahuling ulat, wala namang report na nakatanggap ang guro ng pagbabanta sa buhay bago ang insidente.